Ամբողջ թվերի գումարումը
Տեսական նյութ
Կանոն 1. Միեւնույն նշանն ունեցող ամբողջ թվերի գումարը գտնելու համար պետք է`
- գումարել գումարելիների բացարձակ արժեքները,
- ստացված թվից առաջ դնել գումարելիների նշանը։
Օրինակ՝ +7+(+2)=+(7+2)=+9=9
-6+(-3)=-(6+3)=-9
Կանոն 2. Տարբեր նշաններ ունեցող ամբողջ թվերի գումարը գտնելու համար պետք է`
- այդ թվերի բացարձակ արժեքներից ավելի մեծից հանել ավելի փոքրը,
- ստացված թվից առաջ դնել այն գումարելիի նշանը, որի բացարձակ արժեքն ավելի մեծ է։
Oրինակ՝ -6+(+4)=-(6-4)=-2
-6+(+7)=+(7-6)=+1=1:
Առաջադրանքեր դասարանում
1. Կատարե՛ք գումարում.
ա) (+27) + (+33),60
բ) (-14) + (+12),
գ) (–21) + (–12),
դ) (–8) + (+23),
ե) (–17) + (+4),
զ) (–9) + (–51)։
2. Քառակուսու պարագիծը 52 սմ է: Գտեք այն եռանկյան պարագիծը, որի բոլոր կողմերը հավասար են և հավասար են այդ քառակուսու կողմին:
Առաջադրանքեր տանը
3. Գումարե՛ք հետեւյալ թվերը.
ա) –10, +7 եւ –3,
բ) -7, -3 եւ –4,
գ) +23, –40 եւ +6,
դ) –18, -11 եւ –10,
ե) +18, –27 եւ –5,
զ) –29, +40 եւ +30։
4. Կատարե՛ք գումարում.
ա) (+3) + (–4), դ) (+15) + (–6), է) (–18) + (+7),
բ) (–11) + (+5), ե) (–8) + (+7), ը) (–21) + (+8),
գ) (–10) + (+3), զ) (+31) + (–10), թ) (+19) + (–12)։
5. Գտեք 20 հայտարարով կոտորակ, որը մեծ լինի 4/13-ից և փոքր լինի 5/13-ից:
Լրացուցիչ առաջադրանքներ
6. Երկու բանվոր, միասին աշխատելով, կարող են աշխատանքը կատարել 12 օրում։ Քանի՞ օրում նրանցից առաջինը միայնակ կկատարի այդ աշխատանքը, եթե երկրորդն այն կատարում է 18 օրում։
7. Առավոտյան ծաղկավաճառը բերեց 200 վարդ։ Օրվա կեսին վարդերի կեսից ավելին վաճառվեց։ Նա մնացած վարդերով ցանկանում էր պատրաստել ծաղկեփնջեր։ Եթե նա կազմեր 3,4,5 կամ 6 վարդերից կազմված փնջեր, ապա մեկ վարդ կավելանար: Քանի՞ վարդ էր վաճառել ծաղկավաճառը առավոտյան։
Արամ Սարքիսսյան 