Զատկական հանելուկներn
Այն ինչն է, ինչը,
Ինձնով կռվում են երեխաները, իսկ հետո՝ ուտում:
Հագիս սպիտակ շոր ունեմ, իսկ ներսումս՝ դեղին արև:
Ինձ ներկում են և գեղեցիկ բաներ նկարում վրաս, բայց ես թուղթ չեմ:
Ձու
Զատկական խնդիրներ
1. Խանութում կային մեծ և փոքր ձվեր, մայրիկը խնդրել էր գնել 20 փոքր և 25 մեծ ձու: Քանի ձու պետք է գնեի ես:
2. Արամը գնեց երկու կգ բրինձ և չամիչ 500 գրամով ավելի: Քանի կգ չամիչ գնեց Արամը:
3. Մայրիկը ներկեց 100 ձու, որոնցից 20հատ կարմիր, դեղինը կարմիրից 2 ագամ ավելի, կանաչը դեղինից 2 անգամ ավելի: Քանիսն էին դեղին և կանաչ ձվերը;
4. Ես ու Հերան ունենք 10 ձու, որոնցից վեցը կոտրվեց: Քանի ձու մնաց:
5. Զատկի սեղանին կար ձուկ, ձու, բրինձով փլավ, 2 տեսակի աղցան: Քանի տեսակ ուտեստ կար սեղանին:
ՀԱՆԵԼՈՒԿՆԵՐ ԴԴՄԻ ՄԱՍԻՆ
Ես կլոր եմ, նարնջագույն,
Ոչ գնդակ եմ, ոչ նարինջ:
Շատ կարևոր գործ եմ անում,
Մոխրոտիկին պարահանդես եմ տանում:
Երկիր, որտեղ ամեն ինչ ուրիշ էր
Կար մի երկիր, որտեղ ամեն ինչ տարբեր էր: Այդ երկրում բոլորն ուրախ և անհոգ էին: Այնտեղ մինչև տասը տարեկան երեխաներն ունեին կախարդական փայտիկներ և նրանց ցանկություններն իրականանում էին: Այդ երկրում ամեն եղանակ իր պապն ուներ. ձմռանը Ձմեռ պապն էր գալիս, գարնանը՝ Գարուն պապը, հետո՝ Ամառ Պապը և Աշուն Պապը:
Պատմություն թթվի մասին
Լինում է, չի լինում մի վարունգ, մի լոլիկ, մի սխտոր, պղպեղ, ծաղկակաղամբ, կաղամբ, աղ, սև պղպեղ և ջուր: Նրանք միասին պահմտոցի էին խաղում և զվարճանում: Էնպես է ստացվում, որ այս անգամ էլ փակողը լոլիկն է լինում, իսկ մյուս բանջարեղենները թաքնվում են դույլի մեջ: Խեղճ լոլիկն այնքան է փնտրում, բայց չի գտնում նրանց, մեկ էլ հանկարծ տեսնում է, որ ծաղկակաղամբը հանում է գլուխը դույլի միջից ու կանչում.
– Լոլի՛կ, արի մեզ հետ լողանալու:
Լոլիկը վազում է ու չլըմփ ընկնում իր ընկերների մոտ, որոնք հավեսով չլմփացնում էին ջրի մեջ: Էնքան լավ էր ջրի մեջ, որ նրանք էլ չուզեցին դուրս գալ, իսկ մի ամիս հետո նրանցից միայն թթու մնաց:
ՄԻ ԵՐԳԻ ՊԱՏՄՈՒԹՅՈՒՆ
Կոմիտասի երգերից ամենաշատը ինձ դուր է գալիս Կաքավիկը, քանի որ դեռ մանկուց այդ երգը տատիկս էր երգում ինձ համար: Կաքավիկը ինձ հիշեցնում է ամառային ջերմ օրերը և գյուղական կյանքը:
Իմ աշխարհը
Աշխարհն ինձ համար իմ մայրիկն է, հայրիկը և քույրիկս, որոնց ես շատ-շատ եմ սիրում: Աշխարհում կան շատ զարմանալի բաներ, որոնց մասին ես կուզենայի իմանալ. ուր է անհետանում արևը գիշերը և ինչու մարդիկ չեն կարող գնալ արևի մոտ, կամ ինչպես են լուսինն ու աստղերը կանգնած երկնքում ու չեն ընկնում: